сауда орталығы мен халықаралық автобекет ашылды
Сауда орталығы мен халықаралық автобекет ашылды
Бүгін Төлеби ауданының орталығы Леңгір қаласында «Тау жұлдызы» сауда орталығы мен халықаралық автобекеттің ашылу салтанаты өтті. Жалпы аумағы 4,2 га құрайтын бұл кешенде тауар қоймалары, ойын-сауық орындары, киім-кешек, азық-түлік сауда қатарлары, дәріханалар, ветеринариялық дәріхана, алғашқы медициналық көмек көрсету бөлмесі, зертханалар, наубайханалар жұмыс жүргізетін болады.
Сондай-ақ орталық аумағында сыйымдылығы 400 автокөлікке арналған автотұрақ салынған. Ал мұндағы халықаралық автобекеттен Бішкек, Үрімжі, Астана, Алматы қалаларына бағытталған автобус қатынасы ұйымдастырылады. Салтанатты ашылуға қатысқан аудан әкімі Ә.Тұрғынбеков алдағы уақытта автобекетте әуе және темір жол қатынасына арналған кассалар ашылатынын хабарлады.
